Avesta: Visperad

Based on edition of Karl F. Geldner, Avesta, the Sacred Books of the Parsis, Stuttgart, 1896.

This digital edition copyright 1995 by Joseph H. Peterson.

Visperad 1

(pa n&m i Yazd&)
(zOT,)
1 niwaEDayemi haNkArayemi ratawO mainyawan&m ratawO gaEqyan&m
ratawO upApan&m ratawO upasman&m ratawO fraptvrvjAt&m ratawO rawascarAt&m ratawO caMraMhAc&m aCaon&m aCahe raqB&m.
2 niwaEDayemi haNkArayemi YAiryaEibyO aCahe ratubyO,
maiDyOizarvmayehe payaMhO aCaonO aCahe raqBO,
niwaEDayemi haNkArayemi maiDyOiCvmahe WAstrO-dAtainyehe aCaonO aCahe raqBO,
niwaEDayemi haNkArayemi paitiShahyehe hahyehe aCaonO aCahe raqBO,
niwaEDayemi haNkArayemi ayAqrimahe fraourwaEStrimahe WarCniharStaheca aCaonO aCahe raqBO,
niwaEDayemi haNkArayemi maiDyAiryehe sarvDahe aCaonO aCahe raqBO,
niwaEDayemi haNkArayemi hamaspaqmaEdayehe arvtO-karvqnahe aCaonO aCahe raqBO.
3 niwaEDayemi haNkArayemi gaEqan&m lMhairyehe aCaonO aCahe
raqBO YaT lMhairyO zIzanvn,
niwaEDayemi haNkArayemi staotan&m Yesnyan&m haNdAtan&m hufrAyaStan&m aCaonO aCahe raqBO,
niwaEDayemi haNkArayemi staotan&m Yesnyan&m haNdAtan&m hufrAyaStan&m aCaon&m aCaonin&mca aCahe myazdan&m.
4 niwaEDayemi haNkArayemi sarvDaEibyO aCahe ratubyO ahunahe
Wairyehe frasraoqrahe aCaonO aCahe raqBO,
niwaEDayemi haNkArayemi aCahe WahiStahe staoqBahe aCaonO aCahe raqBO,
niwaEDayemi haNkArayemi Ye?hE-hAtayl hufrAyaStayl aCaonyl aCahe raqBO.
5 niwaEDayemi haNkArayemi ahunawaityl gAqayl aCaonyl aCahe
raqBO,
niwaEDayemi haNkArayemi Gvn&n&m pouru-sarvDO-WIrO-W&qBan&m mazdaDAtan&m aCaon&m aCahe raqB&m,
niwaEDayemi haNkArayemi ahumatO ratumatO aCaonO aCahe raqBO,
niwaEDayemi haNkArayemi Yasnahe haptaMhAtOiS aCaonO aCahe raqBO,
niwaEDayemi haNkArayemi arvduyl ApO anAhitayl aCaonyl aCahe raqBO.
6 niwaEDayemi haNkArayemi uStawaityl gAqayl aCaonyl aCahe
raqBO,
niwaEDayemi haNkArayemi gairin&m aCaXAqran&m pouru-XAqran&m mazdaDAtan&m aCaon&m aCahe raqB&m,
niwaEDayemi haNkArayemi spvNtA-manyVuS gAqayl aCaonyl aCahe raqBO,
niwaEDayemi haNkArayemi WvrvqraGnahe ahuraDAtahe WanaiNtylsca uparatAtO aCaonO aCahe raqBO.
7 niwaEDayemi haNkArayemi WohuxCaqrayl gAqayl aCaonyl aCahe
raqBO,
niwaEDayemi haNkArayemi miqrahe Wouru-gaoyaotOiS rAmanasca XAstrahe aCaonO aCahe raqBO,
niwaEDayemi haNkArayemi WahiStOiStOiS gAqayl aCaonyl aCahe raqBO,
niwaEDayemi haNkArayemi dahmayl WaMhuyl AfritOiS dahmaheca narS aCaonO uGraheca taxmahe dAmOiS upamanahe Yazatahe aCaonO aCahe raqBO.
8 niwaEDayemi haNkArayemi airyamanO iKyehe aCaonO aCahe raqBO,
niwaEDayemi haNkArayemi fCUCO-m&qrahe aCaonO aCahe raqBO,
niwaEDayemi haNkArayemi ratVuS bvrvzO haDaoxtahe aCaonO aCahe raqBO.
9 niwaEDayemi haNkArayemi AhurOiS fraCnahe AhurOiS TkaECahe
AhurOiS dAFyumahe AhurOiS zaraquStrOtvmahe aCaonO aCahe raqBO,
niwaEDayemi haNkArayemi hadiCaheca WAstrawatO WAstrO-bvrvtaheca gawe huDlMhe gaoidyeheca narS aCaonO..

Visperad 2

1 ahmya zaoqre barvsmanaEca ratawO mainyawa Ayese YeSti,
ratawO gaEqya Ayese YeSti,
ratawO upApa Ayese YeSti,
ratawO upasma Ayese YeSti,
ratawO fraptvrvjAta Ayese YeSti,
ratawO rawascarAta Ayese YeSti,
ratawO caMraMhAca Ayese YeSti.
2 ahmya zaoqre barvsmanaEca YAirya aCawana aCahe ratawO Ayese
YeSti,
maiDyOizarvmaEm payaMhvm aCawanvm aCahe ratUm Ayese YeSti,
ahmya zaoqre barvsmanaEca maiDyOiCvmvm WAstrO-dAtainIm aCawanvm aCahe ratUm Ayese YeSti,
ahmya zaoqre barvsmanaEca paitiShahIm hahIm aCawanvm aCahe ratUm Ayese YeSti,
ahmya zaoqre barvsmanaEca ayAqrimvm fraourwaEStrimvm WarCniharStvm aCawanvm aCahe ratUm Ayese YeSti,
ahmya zaoqre barvsmanaEca maiDyAirIm sarvDvm aCawanvm aCahe ratUm Ayese YeSti,
ahmya zaoqre barvsmanaEca hamaspaqmaEdaEm arvtO-karvqnvm aCawanvm aCahe ratUm Ayese YeSti.
3 ahmya zaoqre barvsmanaEca gaEqan&m lMhairIm aCawanvm aCahe
ratUm Ayese YeSti YaT lMhairyO zIzanvn,
ahmya zaoqre barvsmanaEca WIspe tE ratawO Ayese YeSti YOi aoxta ahurO mazdl zaraquStrAi YasnyAca WahmyAca aCAT haca YaT WahiStAT.
4 ahmya zaoqre barvsmanaEca qB&m ratUm Ayese YeSti Yim ahurvm
mazd&m mainyaom mainyawan&m dAman&m mainyaoyl stOiS ahUmca ratUmca,
ahmya zaoqre barvsmanaEca qB&m ratUm Ayese YeSti Yim zaraquStrvm spitAmvm gaEqIm gaEqyan&m dAman&m gaEqyayl stOiS ahUmca ratUmca.
5 ahmya zaoqre barvsmanaEca raqB&m framarvtArvm Ayese YeSti
Yim narvm aCawanvm daDrAnvm humatvmca manO hUxtvmca WacO hwarStvmca Kyaoqnvm,
spvNt&m ArmaitIm darvtvm YOi m&qrvm saoKyaNtO Ye?he KyaoqnAiS gaEql aCa frAdvNte.
6 ahmya zaoqre barvsmanaEca sarvDa aCawana aCahe ratawO Ayese
YeSti,
ahunvm WairIm frasraoqrvm aCawanvm aCahe ratUm Ayese YeSti,
ahmya zaoqre barvsmanaEca aCvm WahiStvm staoqBvm aCawanvm aCahe ratUm Ayese YeSti,
ahmya zaoqre barvsmanaEca Ye?hE-hAt&m hufrAyaSt&m aCaonIm aCahe ratUm Ayese YeSti.
7 ahmya zaoqre barvsmanaEca ahunawaitIm gAq&m aCaonIm aCahe
ratUm Ayese YeSti,
Gvnl hubaGl hufvDrIS huraoDaMhO Ayese YeSti,
ahmya zaoqre barvsmanaEca ahumvNtvm ratumvNtvm aCawanvm aCahe ratUm Ayese YeSti,
hO-zI asti ahUmca ratUmca YO ahurO mazdl,
ahmya zaoqre barvsmanaEca Yasnvm sUrvm haptaMhAitIm aCawanvm aCahe ratUm Ayese YeSti,
arvdwIm sUr&m anAhit&m aCaonIm aCahe ratUm Ayese YeSti.
8 ahmya zaoqre barvsmanaEca uStawaitIm gAq&m aCaonIm aCahe
ratUm Ayese YeSti.
garayO aCaXAqrl pouru-XAqrl mazdaDAta aCawana aCahe ratawO Ayese YeSti,
ahmya zaoqre barvsmanaEca spvNtA-mainyUm gAq&m aCaonIm aCahe ratUm Ayese YeSti.
WvrvqraGnvm ahuraDAtvm Ayese YeSti,
WanaiNtImca uparatAtvm Ayese YeSti.
9 ahmya zaoqre barvsmanaEca WohuxCaqr&m gAq&m aCaonIm aCahe
ratUm Ayese YeSti.
miqrvm Wouru-gaoyaoitIm Ayese YeSti,
rAma XAstrvm Ayese YeSti,
ahmya zaoqre barvsmanaEca WahiStOiStIm gAq&m aCaonIm aCahe ratUm Ayese YeSti.
dahm&m WaMuhIm AfritIm Ayese YeSti,
dahmvmca narvm aCawanvm Ayese YeSti,
uGrvm taxmvm dAmOiS upamanvm Yazatvm Ayese YeSti.
10 ahmya zaoqre barvsmanaEca airyamanvm iCIm aCawanvm aCahe
ratUm Ayese YeSti.
ahmya zaoqre barvsmanaEca fCUCO-m&qrvm aCawanvm aCahe ratUm Ayese YeSti.
ahmya zaoqre barvsmanaEca ratUm bvrvzvm haDaoxtvm aCawanvm aCahe ratUm Ayese YeSti.
11 ahmya zaoqre barvsmanaEca AhUirIm fraCnvm aCawanvm aCahe
ratUm Ayese YeSti.
AhUirIm TkaECvm aCawanvm aCahe ratUm Ayese YeSti.
ahmya zaoqre barvsmanaEca hadiS WAstrawatO Ayese YeSti,
WAstrvm bvrvtvm gawe huDlMhe Ayese YeSti,
gaodAyUm narvm aCawanvm Ayese YeSti..

Visperad 3

1 (zOT,) hAwanAnvm AstAya,
(rAspI,) azvm WIsAi,
(zOT,) AtrawaxCvm AstAya,
(rAspI,) azvm WIsAi,
(zOT,) frabvrvtArvm AstAya,
(rAspI,) azvm WIsAi,
(zOT,) Abvrvtvm AstAya,
(rAspI,) azvm WIsAi,
(zOT,) AsnatArvm AstAya,
(rAspI,) azvm WIsAi,
(zOT,) raEqBiSkarvm AstAya,
(rAspI,) azvm WIsAi,
(zOT,) sraoCAwarvzvm AstAya d&hiStvm arSwacastvmvm,
(rAspI,) azvm WIsAi.
YaqA ahU WairyO
YO zaotA frA-mE mrUtE
(zOT,) aqA ratuS ... mraotU.
2 (zOT u rAspI,) Aqrawanvm AstAya,
raqaEStArvm AstAya,
WAstrIm fCuyaNtvm AstAya,
nmAnahe nmAnO-paitIm AstAya,
WIsO WIspaitIm AstAya,
zaNtVuS zaNtupaitIm AstAya,
dai?hVuS dai?hupaitIm AstAya.
3 YwAnvm humanaMhvm hwacaMhvm huKyaoqnvm hudaEnvm AstAya.
YwAnvm uxDO-WacaMhvm AstAya,
XaEtwadaqvm AstAya,
dai?hAurwaEsvm AstAya,
humAim pairijaqnvm AstAya,
nmAnahe nmAnO-paqnIm AstAya.
4 nAirik&mca AstAya frAyO-humat&m frAyO-hUxt&m frAyO-hwarSt&m huS-h&m-sAst&m ratuxCaqr&m aCaonIm Y&m ArmaitIm spvNt&m Ylsca tE Gvnl ahura mazda,
narvmca aCawanvm AstAya frAyO-humatvm frAyO-hUxtvm frAyO-hwarStvm WistO-fraorvitIm vwistO-kayaDvm Ye?he KyaoqnAiS gaEql aCa frAdvNte.
5 AaT WO kasciT mazdayasnan&m ratUS AmrUmaide ratUS AstAyamaide amvCVsca spvNtV saoKyaNtasca d&hiStV arSwacastvm& aiByAmatvm& aSxrAXanutvm&,
maziStV am& AmrUmaide daEnayl mAzdayasnOiS aqaurun&sca raqaEStArVsca WAstry&sca fCuyaNtO.

6 (zOT,) YaqA ahU WairyO
YO AtrawaxCO frA-mE mrUtE,
(rAspI,) aqA ratuS ... mraotU,
YaqA ahU WairyO
YO zaotA frA-mE mrUtE,
(zOT,) aqA ratuS ... mraotU.
7 (rAspI,) tUm nO Aqraom zaotastE.
(zOT,) YaqA ahU WairyO
YO AtrawaxCO frA-mE mrUtE,
(rAspI,) aqA ratuS ... mraotU.
(zOT,) azvm aEta zaota WIsAi staotan&m Yesnyan&m frasraoqrvmca framarvqrvmca fragAqrvmca frAyaStImca..

Visperad 4

1 Aca manO mata Aca Yazamaide WaMuhImca Ad&m WaMuhImca aCIm
WaMuhImca cistIm WaMuhImca drwatAtvm awi ratUS awi raqBya gvrvNte.
2 frA gawe WvrvNdyAi mazdayasna zaraquStrayO A-hIm WaEDayamahI
raqBaEca myazdaEca raqBaEca ratufritayaEca WIspayl s&caTca aCaonO stOiS YasnAica WahmAica xCnaoqrAica frasastayaEca sraoCO astu,
sraoCvm aCIm ... tlscA Yazamaide..

Visperad 5

1 WIse WO amvCa spvNta staota zaota zbAta YaSta framarvta
aibijarvta YUCmAkvm YasnAica WahmAica xCnaoqrAica frasastayaEca YaT amvCan&m spvNtan&m ahmAkvm hawaMhAica ratufritayaEca aCawastAica WvrvqraGnyAica hurunyAica YaT saoKyaNt&m aCaon&m.
2 pairI-WV amvCA spvNtA huxCaqrA huDlMhO daD&mi tanwascIT
XaFyl uStanvm pairI WIspl hujItayO.
3 frA-tE Wvrvne ahe daEnaya aCAum ahura mazda mazdayasnO
zaraquStriS WIdaEwO ... mraotU..

Visperad 6

1 (zOT u rAspI,) sastica (zOT,) WaNtAca rafnaMhAca
WIquCaEibyasca zaoqrAbyO arSuxDaEibyasca WAGZibyO amvCV spvNtV WaMhUS srIrAiS nAm&n Azbaya,
amvCV spvNtV WaMhUS srIrAiS nAm&n aCahe frAyeze bvrvja WaMhVuS aCahe bvrvja daEnayl WaMhuyl mAzdayasnOiS,
Ye?hE mE aCAT hacA ... YV-nl iStO..

Visperad 7

1 Waca arSuxDa Yazamaide,
sraoCvm aCIm Yazamaide,
aCIm WaMuhIm Yazamaide,
nairIm saMhvm Yazamaide,
AxStIm h&m-WaiNtIm Yazamaide,
astvrvtaca amuyamna Yazamaide,
aCAun&mca frawaCayO Yazamaide,
cinwatO pvrvtUm Yazamaide,
garO nmAnvm ahurahe mazdl Yazamaide,
WahiStvm ahUm aCaon&m Yazamaide raocaMhvm WIspO-XAqrvm.
(...Waca arSuxDa ... WIspO-XAqrvm(3).) 2 WahiStahe aMhVuS WahiSt&m ayan&m Yazamaide,
arStAtvm Yazamaide WaMuhIm frAdaT-gaEq&m WarvdaT-gaEq&m sawO-gaEq&m Y&m daEn&m mAzdayasnIm,
raCnUm raziStvm Yazamaide,
miqrvm Wouru-gaoyaoitIm Yazamaide,
rvwIm parvNdIm Yazamaide rvwIm rawO-manaMh&m rvwIm rawO-WacaMh&m rvwIm rawO-Kyaoqvnan&m
frA tanwO rvNjayeiti.
3 nairy&m h&m-WarvitIm Yazamaide framvn-nar&m
framvn-narO-WIr&m YA AsaoT Asyl YA taxmO-t&Cyl YA dim jasaiti baGO-baxtvmciT
YA nar&m WIgvrvptAciT
tanwO baoxtArvm daDAiti,
Xafnvm mazdaDAtvm Yazamaide CAitIm paswl WIrayl.
4 awl dAm&n aCawanO Yazamaide Yl hvNti paoiryO-dAta
paoiryO-fraqBarSta aCnAaTca apAaTca zvmAaTca urwarayAaTca gaoTca huDlMhaT,
zrayO WourukaCvm Yazamaide,
WAtvm darCIm mazdaDAtvm Yazamaide,
asmanvm XanwaNtvm Yazamaide paoiryO-dAtvm paoiryO-fraqBarStvm gaEqIm gaEqyayl stOiS.
5 qB&m Atrvm ahurahe mazdl puqrvm aCawanvm aCahe ratUm
Yazamaide,
haDa-zaoqrvm haDa-aiBylMhanvm imaT barvsma aCaya frastarvtvm aCawanvm aCahe ratUm Yazamaide,
ap&m naptArvm Yazamaide,
nairIm saMhvm ... tlscA Yazamaide.
(rAspI,) YaqA ahU WairyO
YO zaotA frA-mE mrUtE,
(zOT,) aqA ratuS ... mraotU..

Visperad 8

(rAspI,)
1 aEta Waca maDayaMha
ahe Waca svNdayaMha
ahurO mazdl aCawa
haqra WaMhubyO YazataEibyO YaT amvCaEibyO spvNtaEibyO huxCaqraEibyO huDAbyO paNcasaTbISca satAiSca hazaMrAiSca baEwarvbISca ah&xStAiSca frAyebIScaTca ahmAT.
2 huxCaqrOtvmAi bAT xCaqrvm ahmaT hyaT aibI dadvmahicA ...
aCAicA WahiStAi.
(...huxCaqrOtvmAi ... WahiStAi(3)..)

Visperad 9

1 haoman&m uzdAtan&m zaoqran&m uzdAtan&m
uzdAtan&m uzdAhyamnan&m WArvqraGnin&m paiti-biCin&m aCOiS baECaza hacimnan&m cistOiS baECaza hacimnan&m mazdl baECaza hacimnan&m zaraquStrahe baECaza hacimnan&m zaraquStrOtvmahe baECaza hacimnan&m
2 awa baECaza hacimnan&m YA humAyehe aCaonO YA humAyehe
pairijaqnO YA daEnayl WaMhuyl mAzdayasnOiS YA dahmayl WaMhuyl AfritOiS YA dahmayl WaMhuyl anAdruxtOiS YA dahmayl WaMhuyl anawauruxtOiS
3 AwistayaEca aiBi-WistayaEca aiBiS-hutayaEca upAStayaEca
upaMharStayaEca hufrAyaStayaEca huframvrvtayaEca YOi hvNti haoma sUra spvNta aCawana aCaya uzdAta aCaya uzdAhyamna aCaya aiBi-WaEDayamna aCaya aiBi-WaEDayaNta aCaya hunwana aCaya haoKyaNta
4 amawatO amAi amawatO WvrvqraGnAi amawaiqyl vrvqyl amawaiqyl
aCOiS amawaiqyl cistOiS amawaiqyl paurwatAtO amawaiqyl uparatAtO amawaTbyO aEibyO YazataEibyO YaT amvCaEibyO spvNtaEibyO huxCaqraEibyO huDAbyO YawaEjibyO YawaEsubyO YOi WaMhVuS A-manaMhO KyeiNti Ylsca uiti,
5 haurwatlsca nO amvrvtAtl gVuSca taCnO gVuSca urunO Aqrasca
aoxtO-nAmanO hadiCasca aCiwatO WAstrawatO XAqrawatO marZdikawatO 6 staotaca YasnAica WahmAica frasastayaEca YaT aECa ahurahe
mazdl YaT aECa amvCan&m spvNtan&m ratVuSca aCaonO bvrvzatO YasnAica WahmAica YaT apanOtvmahe raqBO YaT jaGmUKyl aCOiS YaT jaGmUKyl ratufritOiS
7 YaT m&qrahe spvNtahe YaT daEnayl mAzdayasnOiS YaT staotan&m
Yesnyan&m YaT WIspaEC&mca raqB&m WIspan&mca ratufritin&m WIspayl s&caTca aCaonO stOiS YasnAica WahmAica xCnaoqrAica frasastayaEca sraoCO astU hyaT paourwIm taT ustvmvmcIT,
(zOT,) YaqA ahU WairyO
YO AtrawaxCO ... tlscA Yazamaide..

Visperad 10

1 (zOT,) Ayese YeSti arvzahibyO sawahibyO fradaDafCubyO
WIdaDafCubyO Wouru-barvStibyO Wouru-jarvStibyO aheca karCwanV YaT Xaniraqahe.
2 Ayese YeSti asmanaEibya hAwanaEibya ayaMhaEnaEibya
hAwanaEibya taStAi zaoqrO-barvnAi WarvsAi haomO-aMharvzAnAi tawaca barvsmanO aCaya frastarvtahe,
Ayese YeSti ahunahe Wairyehe anahunAca ratuSca stitAtasca daEnayl mAzdayasnOiS,
Ayese YeSti aCAun&m frawaCin&m ... mraotU..

Visperad 11

1 ahurAi mazdAi haom& AwaEDayamahI YaT uzdAtvm svwiStvm
WvrvqraGne frAdaT-gaEqAi YaT huxCaqrAi aCaone YaT ratuxCaqrAi aCaone,
amvCaEibyO spvNtaEibyO haom& AwaEDayamahI,
aiByO WaMuhibyO haom& AwaEDayamahI,
hawahe urunO haom& AwaEDayamahI,
WIspayl aCaonO stOiS haom& AwaEDayamahI.
2 im& haom& ima haomya ima starvta ima myazda ima asma paoirya
dAm&n ima asmana hAwana awi-bvrvta haoma zAire ima ayaMhaEna hAwana awi-bvrvta haoma zAire im&m Apvm haomy&m imaT barvsma aCaya frastarvtvm
3 iml kvhrpasca tvwICISca iml YaEtuCIS zaoqrl
imvm haomvm aCawanvm g&mca huDlMhvm narvmca aCawanvm Asnaca manl aCaon&m Asnaca manl saoKyaNt&m im&mcA g&m jIwy&m aCaya uzdAt&m im&mcA urwar&m haDAnaEpat&m aCaya uzdAt&m,
4 aiByO WaMuhibyO iml zaoqrl haomawaitIS gaomawaitIS
haDAnaEpatawaitIS aCaya uzdAtl aiByO WaMuhibyO apvmca haomy&m asmanaca hAwana ayaMhaEnaca hAwana,
5 im&mcA urwar&m barvsmanIm jaGmUCImca ratufritIm marvqrvmca
WarvzImca daEnayl WaMhuyl mAzdayasnOiS gAqan&mca sraoqrvm jaGmUCImca aCaonO aCahe raqBO ratufritIm im& aEsm&sca baoiDImca tawa AqrO ahurahe mazdl puqra WIspaca Wohu mazdaDAta aCaciqra pairica dadvmahI Aca WaEDayamahI AaT dIS AwaEDayamahI,
6 ahurAica mazdAi sraoCAica aCyAi raCnwaEca raziStAi miqrAica
Wouru-gaoyaotVe amvCaEibyasca spvNtaEibyO aCAun&mca frawaCibyO aCAun&mca urwOibyO AqraEca ahurahe mazdl raqBaEca bvrvzaite raqBaEca myazdaEca raqBaEca ratufritayaEca WIspayl s&caTca aCaonO stOiS YasnAica WahmAica xCnaoqrAica frasastayaEca.
7 AaT dIS AwaEDayamahI zaraquStrahe spitAmahe aCaonO frawaCVe
YasnAica WahmAica xCnaoqrAica frasastayaEca aMhuyaoS aCacinaMhO maT WIspAbyO aCaonibyO frawaCibyO Yl irIriquC&m aCaon&m Ylsca jwaNt&m aCaon&m Ylsca nar&m azAtan&m fraCO-carvqr&m saoKyaNt&m.

8-11 im& haom& ... aCaciqra pairica dadvmahI Aca WaEDayamahI AaT dIS AwaEDayamahI,
12 amvCaEibyO spvNtaEibyO huxCaqraEibyO huDAbyO YawaEjibyO
YawaEsubyO
YOi Wohu YOi Wohun&m dAtArO YOi WaMhVuS A-manaMhO KyeiNti,
WaMhVuS A-zI A-manaMhO KyeiNti YOi amvCl spvNta huxCaqra huDlMhO aDAT mAta aDAT bUta haca WaMhaoT manaMhaT.
13 AaT dIS AwaEDayamahI frAyehIS ahe nmAnahe fradaqAi ahe
nmAnahe sawaMhO ahe nmAnahe WaxCaT ahe nmAnahe WItar&zO ahe nmAnahe WItarv-TbaECO ahe nmAnahe pasw&mca nar&mca zAtan&mca z&hyamnan&mca aCaon&m Ye?he aEm aMhvn Ye?he aEm hvNti Ye?he WaEm mahi YOi saoKyaNtO daFyun&m
14 YaT Wohwarvz&m aCaon&m YaT Wohwarvzin&m aCaonin&m YaT
haiqyAwarvz&m aCaon&m YaT haiqyAwarvzin&m aCaonin&m YaT hwarStAwarvz&m aCaon&m YaT hwarStAwarvzin&m aCaonin&m.
15 AaT dIS AwaEDayamahI aCAun&m WaMuhibyO frawaCibyO Yl uGrlsca
aiBiqUrlsca aCaon&m awaMhe.
16 AaT dIS AwaEDayamahI sraoCahe aCyehe aCOiSca WaMhuyl
nairyeheca saMhahe AxStibyAca h&m-WaiNtibya AqraEca ahurahe mazdl raqBaEca bvrvzaite WIspayl s&caTca aCaonO stOiS YasnAica WahmAica xCnaoqrAica frasastayaEca,
AaT dIS AwaEDayamahI ahurAi mazdAi WaMhawe manaMhe ... YOi hvNti aCahe ratawO hAwanOiS raqBO YasnAica WahmAica xCnaoqrAica frasastayaEca,
AaT dIS AwaEDayamahI ahurahe mazdl raEwatO XarvnaMuhatO xCnaoqra YasnAica WahmAica xCnaoqrAica frasastayaEca.
17-18 AaT dIS AwaEDayamahI arvzahibyO ... stitAtasca daEnayl mAzdayasnOiS.

19 YaT uzdAtvm YaT Awistvm Yaqa dIS AwaEDayaT ahurO mazdl aCawa
Yaqa dIS AwaEDayaT YO aCawa zaraquStrO Yaqa dIS azvm YO zaota AwaEDayemi WIDwl aEC&m Yasnvmca Wahmvmca WIDwl dAity&m AwistIm WIDwl raqBy&m AwistIm
20 YUCmAkvm YasnAica WahmAica xCnaoqrAica frasastayaEca YaT
amvCan&m spvNtan&m ahmAkvm hawaMhAica ratufritayaEca aCawastAica WvrvqraGnyAica hurunyAica YaT saoKyaNt&m aCaon&m.
21 AaT iDa dim WIspan&m maziStvm dadvmahi ahUmca ratUmca Yim
ahurvm mazd&m YasnAica WahmAica xCnaoqrAica frasastayaEca,
AaT dIS AwaEDayamahI aCAun&m frawaCin&m ... aCAT haca YaT WahiStAT..

Visperad 12

1 haoman&mca harvKyamnan&m YOi harvKyeNte raqBe bvrvzaite YaT
ahurAi mazdAi aCaone YaT zaraquStrAi spitamAi frafCu frAwIra tAca hA WaMhuS sraoCO aCyO YO aCahe hacaite m&zaraya hVca iDa YOiqBA astu.
2 humaya upaMhl cICmaide ahunahe Wairyehe aCaya frasrUtahe
frasrAwayamnahe hAwanaylsca haom& hunwaiNtyl aCaya fraCUtayl fraCAwayamnayl
3 arSuxDan&mca WacaMh&m srawaMh&mca zaraquStrin&m hwarStan&mca
Kyaoqnan&m barvsman&mca aCaya frastarvtan&m haoman&mca aCaya hutan&m staotan&mca Yesnyan&m daEnaylsca mAzdayasnOiS m&qBan&mca WaxvDBan&mca WarStwan&mca.
4 aqa-zI-nV humAyOtara aMhvn,
humaya aEta dAm&n dadvmaide humaya cICmaide humaya mainyAmaide Y& daqaT ahurO mazdl aCawa qraoSta Wohu manaMha WaxSt aCa YA hAt&m maziStaca WahiStaca sraEStaca,
aqa-zI-nV humAyOtaraca IZyOtaraca lMhAma YAiS spvNtahe mainyVuS dAm&n YaT hIS humayaca IZyAca cinaqAmaide.
5 humaya-nO buyata asmana hAwana ayaMhaEna hAwana fraoirisimna
fraCAwayamna nmAnayaca WIsyaca zaNtawaca dai?hawaca ahmi nmAne ai?he WIsi ahmi zaNtwO ai?he dai?hO ahmAkvmca mazdayasnan&m frAyazvmnan&m haDa-aEsman&m haDa-baoiDin&m haDa-ratufritin&m,
aqa-zI-nV humAyOtara aMhvn.
(rAspI,) YaqA ahU WairyO
YO zaotA ... mraotU.
YaqA ahU WairyO...(4).
aCvm WohU.....

Visperad 13

(zOT,)
0 ahurvm mazd&m aCawanvm aCahe ratUm Yazamaide,
zaraquStrvm aCawanvm aCahe ratUm Yazamaide,
zaraquStrahe aCaonO frawaCIm Yazamaide,
amvCV spvNtV aCaon&m Yazamaide,
aCAun&m WaMuhIS sUrl spvNtl frawaCayO Yazamaide astwatO manahyAca,
apanOtvmvm raqB&m Yazamaide YaEtuStvmvm Yazatan&m haMhanuStvmvm aCahe raqB&m aiBinas&stvmvm jaGmUStvm&m aCaonO aCahe raqBO ratufritIm Yazamaide.

1 aCvm ahurvm mazd&m Yazamaide,
aCvm amvCV spvNtV Yazamaide,
aCvm arSuxDvm Yazamaide,
aCvm WIspvm m&qrvm Yazamaide,
zaraquStrvm haDa-m&qrvm Yazamaide,
sawa aCawabyO Yazamaide uSta amvCaEibyO spvNtaEibyO Yazamaide,
tiCrO paoiryO Yazamaide anapyUxDO anapiCUtO.
2 aCvm ahurvm mazd&m Yazamaide ... anapiCUtO,
tiCra paoirya Yazamaide anapyUxDa anapiCUta.
3 aCvm ahurvm mazd&m ... tiCrO paoiryO Yazamaide anapyUxDO
anapiCUtO,
tiCra paoirya Yazamaide anapyUxDa anapiCUta.
tiCra haurwa-paoirya Yazamaide anapyUxDa anapiCUta,
tiCran&m haurwa-paoiryan&m Yazamaide anapyUxDan&m anapiCUtan&m hAitiSca afsmanAca Wacasca WacastaStImca frasraoqrvmca framarvqrvmca fragAqrvmca frAyaStImca,
qB&m Atrvm ahurahe mazdl puqrvm ... tlscA Yazamaide..

Visperad 14

0 ahurvm mazd&m ... ratufritIm Yazamaide,
ahunawaitIm gAq&m aCaonIm aCahe ratUm Yazamaide 1 maT-afsman&m maT-WacastaStIm maT-AzaiNtIm maT-pvrvswIm
maT-paiti-pvrvswIm maT WaGZibyAca paTbyasca huframvrvt&m framarvmn&m hufrAyaSt&m frAyaEzyaNt&m 2 Xahmi d&m Xahmi ciqre Xahmi zaoCe Xahmi xCaqre Xahmi ratawO
Xahmi Ayaptvm YaT ahurahe mazdl fraorvT fraxCne awi manO zrazdAtOiT aMhuyaT haca.
3 ahunvm WairIm aCawanvm aCahe ratUm Yazamaide,
ahumvNtvm ratumvNtvm aCawanvm aCahe ratUm Yazamaide,
hO-zI asti ahUmca ratUmca YO ahurO mazdl(4).
4 ahunawaityl gAqayl haNdAtA Yazamaide,
ahunawaityl gAqayl Yazamaide hAitiSca afsmanAca Wacasca WacastaStImca frasraoqrvmca framarvqrvmca fragAqrvmca frAyaStImca,
qB&m Atrvm ... tlscA Yazamaide.
aCvm WohU...(3).
Ye?hE mE ... YV nl iStO..

Visperad 15

1 (rAspI,) awa paDO awa zastV
awa uCi dArayaDBvm
mazdayasna zaraquStrayO dAityan&m raqByan&m hwarStan&m Kyaoqnan&m WarvzAi pairi aDAityan&m araqByan&m duZwarStan&m Kyaoqnan&m WarvzAi WvrvzyAt&mca iDa Wohu WAstrya uyamna anuyamnAiS daste.
2 sraoCasca iDA astU ahurahe mazdl YasnAi svwIStahe aCaonO YV
nl iStO Yasnaheca haptaMhAtOiS frawAkaEca paityAstayaEca mazdAtayaEca zarazdAtayaEca framvrvtayaEca fraoxtayaEca WvrvqraGne aCaone anapyUxDe anapiCUte,
3 YO frawaoce YO frawaxCyeite maza amawa Wvrvqraja WIdwaEStwO,
Wac&mca WArvqraGnin&m frawAkAi Aqrasca ahurahe mazdl.
4-5 staotaca YasnAica WahmAica frasastayaEca YaT aECa ahurahe mazdl ... ustvmvmcIT.
(zOT,) YaqA ahU WairyO
YO AtrawaxCO ... YV nl iStO.
awa paDO awa zastV ... sraoCO astU,
sraoCvm aCIm Yazamaide ratUm ... tlscA Yazamaide..

Visperad 16

0 ahurvm mazd&m aCawanvm aCahe ratUm ... ratufritIm Yazamaide,
Yasnvm sUrvm haptaMhAitIm aCawanvm aCahe ratUm Yazamaide maT-afsmanvm maT-WacastaStIm maT-AzaiNtIm maT-pvrvsUm maT-paiti-pvrvsUm maT WaGZibyAca paTbyasca huframvrvtvm framarvmnvm hufrAyaStvm frAyaEzyaNtvm Xahmi d&m Xahmi ciqre ... fraxCne awi manO zrazdAtOiT aMhuyaT haca.

1 Atrvmca iDa ahurahe mazdl puqrvm Yazamaide,
AtarS-ciqrVsca YazatV Yazamaide,
AtarS-ciqrVsca raCnuSca Yazamaide,
aCAun&mca frawaCayO Yazamaide,
sraoCvmca Yim WvrvqrAjanvm Yazamaide,
narvmca Yim aCawanvm Yazamaide,
WIsp&mca Y&m aCaonO stIm Yazamaide.
2 zaraquStrahe spitAmahe iDa aCaonO aCImca frawaCImca
Yazamaide,
WIspaEca iDa aCaonO aCImca frawaCImca Yazamaide,
WIspl frawaCayO aCAun&m Yazamaide,
AdaFyun&mca aCaon&m frawaCayO Yazamaide,
uzdAFyun&mca aCaon&m frawaCayO Yazamaide,
nar&mca aCaon&m frawaCayO Yazamaide,
nAirin&mca aCaonin&m frawaCayO Yazamaide.
3 YaEC&m nO ahurO mazdl aCawa Yesne paiti WaMhO WaEDa aEC&m
zaraquStrO aMhuca ratuSca,
COiqrya apasca zvmasca urwarlsca Yazamaide.
(...Atrvmca iDa ahurahe ... urwarlsca Yazamaide(2).) 4 Yasnahe haptaMhAtOiS haNdAtA Yazamaide,
Yasnahe haptaMhAtOiS Yazamaide hAitiSca afsmanAca Wacasca WacastaStImca ... tlscA Yazamaide..

Visperad 17

1 aCvm WohU...(3).
aiBi-gvrvDmahi Yasnahe haptaMhAtOiS humataca hUxtaca hwarStaca,
aiBi-gvrvDmahi aCvm WohU....
(...aiBi-gvrvDmahi ... aCvm WohU...(3)..)

Visperad 18

0 ahurvm mazd&m aCawanvm aCahe ratUm ... ratufritIm Yazamaide,
uStawaitIm gAq&m aCaonIm aCahe ratUm Yazamaide maT-afsman&m maT-WacastaStIm maT-AzaiNtIm maT-pvrvswIm maT-paiti-pvrvswIm maT WaGZibyAca paTbyasca huframvrvt&m framarvmn&m hufrAyaSt&m frAyaEzyaNt&m Xahmi d&m ... fraxCne awi manO zrazdAtOiT aMhuyaT haca,
ahunvm WairIm aCawanvm aCahe ratUm Yazamaide ahumvNtvm ... ahurO mazdl (4).

1 uSta ahurvm mazd&m Yazamaide,
uSta amvCV spvNtV Yazamaide,
uSta narvm aCawanvm Yazamaide,
uSta paoiry&m aCaonO stIm Yazamaide,
uStatAtvmca naire aCaone Yazamaide.
2 WIspAyUmca uStatAtvm Yazamaide YA narS sAdra drwatO,
uStatAtvm akaranvm Yazamaide,
uStatAityaca WIspvm aCawanvm hvNtvmca bawaNtvmca bUKyaNtvmca Yazamaide.
(...uSta ahurvm ... bUKyaNtvmca Yazamaide(2).) 3 uStawaityl gAqayl haNdAtA Yazamaide,
uStawaityl gAqayl Yazamaide hAitiSca afsmanAca ... tlscA Yazamaide..

Visperad 19

0 ahurvm mazd&m aCawanvm aCahe ratUm ... ratufritIm Yazamaide,
spvNtA-mainyUm gAq&m aCaonIm aCahe ratUm Yazamaide maT-afsman&m maT-WacastaStIm maT-AzaiNtIm maT-pvrvswIm maT-paiti-pvrvswIm maT WaGZibyAca paTbyasca huframvrvt&m framarvmn&m hufrAyaSt&m frAyaEzyaNt&m Xahmi d&m ... fraxCne awi manO zrazdAtOiT aMhuyaT haca.

1 spvNtvm ahurvm mazd&m Yazamaide,
spvNtvm amvCV spvNtV Yazamaide,
spvNtvm narvm aCawanvm Yazamaide,
spvNtvm paras-xraqBvm Yazamaide,
spvNt&m WaMuhIm ArmaitIm Yazamaide,
spvNtO-dAtAiS dAm&n aCawanO Yazamaide,
dAm&n manas-paoirya aCawanO Yazamaide,
xratUm WIspO-WIDwlMhvm Yazamaide Yim ahurvm mazd&m.
2 hwarv raocO Yazamaide,
hwarv barvziStvm barvziman&m Yazamaide,
hwarvca amvCV spvNtV Yazamaide,
hwarStl m&qrl Yazamaide,
XanwaitIS WvrvzO Yazamaide,
AtaT XarvnO Yazamaide,
AtarvdAta W&qBa Yazamaide,
aCawa fraqaswO Yazamaide,
dAmIm Yazamaide Y&m ArmaitIm spvNt&m Yehe dAqre aCaheca aCaon&mca aCa-paoiryan&m dAman&m.
(spvNtvm ahurvm ... dAman&m(2).) 3 spvNtA-mainyVuS gAqayl haNdAtA Yazamaide,
spvNtA-mainyVuS gAqayl Yazamaide hAitiSca afsmanAca ... tlscA Yazamaide..

Visperad 20

0 ahurvm mazd&m aCawanvm aCahe ratUm ... ratufritIm Yazamaide,
WohuxCaqr&m gAq&m aCaonIm aCahe ratUm Yazamaide maT-afsman&m maT-WacastaStIm maT-AzaiNtIm maT-pvrvswIm maT-paiti-pvrvswIm maT WaGZibyAca paTbyasca huframvrvt&m framarvmn&m hufrAyaSt&m frAyaEzyaNt&m Xahmi d&m ... fraxCne awi manO zrazdAtOiT aMhuyaT haca.

1 Wohu xCaqrvm Yazamaide,
xCaqrvm WairIm Yazamaide,
ayOxCustvm Yazamaide,
Waca arSuxDa WArvqraGniS daEwO-Gnita Yazamaide,
awaT miZdvm Yazamaide,
awaT daswarv Yazamaide,
awaT baECazvm Yazamaide,
awaT fradaqvm Yazamaide,
awaT Warvdaqvm Yazamaide.
2 awaT WvrvqraGnvm Yazamaide YaT asti aNtarvca WohuxCaqr&m
WahiStOiStIm framvrviti humatan&mca hUxtan&mca hwarStan&mca paitiStAtVe duSmatan&mca duZUxtan&mca duZwarStan&mca uzwarvzAi mAwOya miqO-matan&mca miqOxtan&mca miqOwarStan&mca.
(Wohu xCaqrvm ... miqOwarStan&mca(2).) 3 WohuxCaqrayl gAqayl haNdAtA Yazamaide,
WohuxCaqrayl gAqayl hAitiSca afsmanAca ... tlscA Yazamaide..

Visperad 21

0 aCvm WohU...(3).
Ye?hE mE aCAT ... mraotU.
(rAspI,) svraoCO iDA astU ... YV nl iStO.
awa paDO ... aCaonO YV nl iStO.
aparaheca Yasnahe haptaMhAtOiS frawAkaEca ... ustvmvmcIT.
(zOT,) YaqA ahU WairyO ... tlscA Yazamaide.
(rAspI,) aCvm WohU...(3).
aparahe Yasnahe haptaMhAtOiS haNdAtA xCnaoqra YasnAica ... mraotU.
(zOT,) ahurvm mazd&m aCawanvm ... aCvm WohU....
aparvm Yasnvm sUrvm haptaMhAitIm aCawanvm aCahe ratUm Yazamaide.
Ye?hE hAt&m....
Yazamaide WV amvCA ... tlscA Yazamaide.
(zOT,) ahurvm mazd&m aCawanvm aCahe ratUm ... ratufritIm Yazamaide,
aparvm Yasnvm sUrvm haptaMhAitIm aCawanvm aCahe ratUm Yazamaide maT-afsmanvm maT-WacastaStIm maT-AzaiNtIm maT-pvrvsUm maT-paiti-pvrvsUm maT WaGZibyAca paTbyasca huframvrvtvm framarvmnvm hufrAyaStvm frAyaEzyaNtvm Xahmi d&m ... fraxCne awi manO zrazdAtOiT aMhuyaT haca.

1 awi ap&mca WaMuhIn&m
urwaran&mca XaBrIran&m
aCaon&mca frawaCin&m
Yasnvm gvrvDmahi Wahmvmca,
awi lMh&mciT Yl WaMuhIS
Yl ApO Ylsca urwarl
Ylsca aCaon&m frawaCayO
Yasnvm gvrvDmahi Wahmvmca.
2 awi gVuS awi gayehe
awi m&qrahe spvNtahe
aCaonO WvrvzyaMuhahe
Yasnvm gvrvDmahi Wahmvmca,
awi tawa ahura mazda
Yasnvm gvrvDmahi Wahmvmca,
awi tawa zaraquStra
Yasnvm gvrvDmahi Wahmvmca,
awi tawa ratwO bvrvza
Yasnvm gvrvDmahi Wahmvmca,
awi amvCan&m spvNtan&m
Yasnvm gvrvDmahi Wahmvmca.
3 sraotvmca marZdikvmca Yazamaide,
sraotvm Wahmanvm Yazamaide,
marZdikvm Wahmanvm Yazamaide,
frArAiti WIdICe Yazamaide YaT asti aNtarv XAdaEnAiS aCaonIS,
nvmO Wohu aDawIm aTbaECvm Yazamaide.
(awi ap&mca ... aTbaECvm Yazamaide(2).) 4 aparvm Yasnvm Yazamaide,
aparahe Yasnahe Yasnvm Yazamaide,
aparahe Yasnahe Yazamaide hAitiSca afsmanAca Wacasca WacastaStImca ... tlscA Yazamaide..

Visperad 22

(zOT u rAspI,)
1 aCvm WohU...(3).
awa aibigara awa aibijarvta YA amvCan&m spvNtan&m saoKyaNt&mca aCaon&m gawe aDAiS tAiS KyaoqnAiS YAiS WahiStAiS fraEKyAmahi,
2 Y&m aCawa WaMuhIm aCay&m WaEDa t&m drwl vwIDwl,
mA apaEma paourwl WayOiT mA manaMha mA WacaMha mA Kyaoqna mA aDa kaqacina paiti jime.
aCvm WohU....
(aya aibigara ... paiti jime.
aCvm WohU....(3))..

Visperad 23

(zOT,)
0 ahurvm mazd&m aCawanvm aCahe ratUm ... ratufritIm Yazamaide,
WahiStOiStIm gAq&m aCaonIm aCahe ratUm Yazamaide maT-afsman&m ... aMhuyaT haca.
1 WahiStvm ahurvm mazd&m Yazamaide,
WahiStvm amvCV spvNtV Yazamaide,
WahiStvm narvm aCawanvm Yazamaide,
WahiStvm aCvm Yazamaide,
WahiSta ciqra Yazamaide YA staota Yesnya,
WahiSt&m IStIm Yazamaide Y&m aCahe WahiStahe,
WahiStvm ahUm aCaon&m Yazamaide raocaMhvm WIspO-XAqrvm,
WahiStahe aMhVuS WahiSt&m ayan&m Yazamaide.
(WahiStvm ahurvm mazd&m ... WahiSt&m ayan&m Yazamaide(2).) 2 WahiStOiStOiS gAqayl haNdAtA Yazamaide,
WahiStOiStOiS gAqayl Yazamaide hAitiSca afsmanAca ... tlscA Yazamaide..

Visperad 24

0 ahurvm mazd&m aCawanvm aCahe ratUm ... ratufritIm Yazamaide,
airyamanvm iCIm aCawanvm aCahe ratUm Yazamaide maT-afsmanvm maT-WacastaStIm maT-AzaiNtIm maT-pvrvsUm maT-paiti-pvrvsUm maT WaGZibyAca paTbyasca huframvrvtvm framarvmnvm hufrAyaStvm frAyaEzyaNtvm Xahmi d&m ... fraxCne awi manO zrazdAtOiT aMhuyaT haca.
Atrvmca iDa ahurahe ... urwarlsca Yazamaide(2).
1 awaT miZdvm Yazamaide,
awaT daswarv Yazamaide,
awaT baECazvm Yazamaide,
awaT fradaqvm Yazamaide,
awaT Warvdaqvm Yazamaide,
awaT WvrvqraGnvm Yazamaide YaT asti aNtarv ahuna airyamana framvrviti humatan&mca hUxtan&mca hwarStan&mca paitiStAtVe duSmatan&mca duZUxtan&mca duZwarStan&mca uzwarvzAi mAwOya miqO-matan&mca miqOxtan&mca miqOwarStan&mca (awaT miZdvm ... miqOwarStan&mca(4).) 2 airyamanO iKyehe haNdAtA Yazamaide,
airyamanO iKyehe Yazamaide hAitiSca afsmanAca ... tlscA Yazamaide....

. . . . .

3 staomi aCvm....
nAismI daEwO....
aEwO paNtl YO aCahe
WIspe anyaEC&m apaNt&m.
. .
.